HomeNews1,186 dead from floods according to NDMA

1,186 dead from floods according to NDMA

1,186 dead from floods, according to NDMA. National disaster managment authority (NDMA) ne taaza tareen adad-o-shumaar ke sath apni report mein kaha hai ke guzashta 24 ghanton ke douran Mulk bhar mein barray pemanay par anay walay selaab se kam az kam 19 mazeed afraad apni jaanen ganwaa baithy hain. Jis se halakaton ki majmoi tadaad 1,186 ho gayi hai.

Report ke mutabiq taaza tareen 12 amwaat Sindh, 4 ke pi aur 3 Balochistan mein huien. Jaan bahaq honay walon mein no bachay bhi shaamil hain.

1,186 dead from floods, according to NDMA. Disaster managment authority ne kaha ke Mulk bhar mein selaab se mutaliqa waqeat mein 256 afraad zakhmi hue .

Report mein kaha gaya hai ke achanak selaab ne Mulk ke 80 azlaa ko buri terhan mutasir kya.

Report mein kaha gaya hai ke Balochistan mein 256, KP mein 268, Punjab mein 188, Gilgit Baltistan mein 22 aur Azad jammu-o-Kashmir mein 41 amwaat huien.

Marnay walon mein 416 bachay aur 244 khawateen shaamil hain. Is douran tabah kin selaab ke nateejay mein 4896 afraad zakhmi hue.

Pakistan mein haliya selaab mein 380 bachon samait 1,000 se ziyada afraad ki halakat ke baad, aqwam mutahidda ne usay “ghair mamooli mosmyati tabahi” qarar diya.

Sirf august mein mulk mein heran kin tor par 15.4 inch barish hui, jo ost raqam se dogni hai.

Selaab se Communities mukammal tor par tabah ho chuki hain. Reports ke mutabiq is waqt 15% abadi mutasir hai aur Mulk ka aik tahai hissa zair aabb hai..

Aqwam mutahidda ne khabardaar kya ke Pakistan ko fori tor par taqreeban 160 million dollar ki zaroorat hai.

Thehre hue pani ki wajah se mahireen pani se hone wali bemariyan phelnay ki fikar mein hain.

Selaab ki wajah se logon ko khoraak, saaf pani, kapray aur adwiyaat jaisi bunyadi zaroriat tak rasai se mahroom kar diya gaya hai.

European Space agency ne thursday ko kaha ke mamool se 10 guna zyada barishain Pakistan mein tabah kin selaab ka baais banin. Jab is ne dareaye Sindh se behti hui aik wasee jheel ki satellite tasaveer jari kee.

Related: Imran Khan visits flood-affected areas in KP

Baarisho ko, jisay aqwam mutahidda ka sarbarah Antonio Gutierrez ne “Steroids par monsoon” qarar diya hai. June se le kar ab tak secron jaanen le chuki hain, taaqatwar selaab ne tabahi machai hai jis ne ahem faslun ko baha diya hai aur das laakh se ziyada gharon ko nuqsaan pouncha ya tabah kar diya hai.

ESA ne aik bayan mein kaha ke Europi union ke copernicus satellite ke data ka istemaal khala se anay walay selaab ke pemanay ka naqsha bananay ke liye kya gaya hai taakay bachao ki koshisho mein madad mil sakay.

Is ne kaha,”Mausam ki shadeed barishain mamool se das gina ziyada June ke wast se ab tak mulk ka aik tahai se ziyada hissa zair aabb aa gaya hai.”

RELATED ARTICLES

LEAVE A REPLY

Please enter your comment!
Please enter your name here

Most Popular

Crypto

Business

Technology