HomeNewsAfter the floods, Sindh has over 1 million cases of infectious diseases

After the floods, Sindh has over 1 million cases of infectious diseases

Sindh has over 1 million cases of infectious diseases. Jabkay Sindh ab bhi monsoon ki baarishon ke nateejay mein anay walay selaab ke zabardast asraat se dochar hai. Sobai mehakma sehat ne ittila di hai ke 1,079,000 se ziyada log mutaddi bimarion se mutasir hue hain.

Sindh has over 1 million cases of infectious diseases. Guzashta 24 Hours ke douran asthma aur seenay ki mukhtalif bimariyon ke 12,819 cases report hue. Jabkay jald ki mukhtalif bimarion ke 14,339 cases samnay aaye.

Hakkaam ne aankhon ki bimarion ke 19,179 cases, diarya ke 15,844 cases, maleria ke 2,310 cases, dengue virus ke 104 cases aur deegar bimarion ke 23,237 cases bhi note kiye hain.

Is ke ilawa saanp ke katnay ke 4 aur kutte ke katnay ke 13 cases bhi report hue.

Hakkaam ne Friday ko bataya ke Sindh mein vyral bemari ke phelnay ka khadsha hai. Kyunkay guzashta chand dinon mein kayi azlaa mein maleria ke senkron cases report hue hain.

Sobai mehakma sehat ne inkishaaf kya ke thatta mein maleria ke 521 mareez zair-e-ilaaj hain. Jabkay 93 hyderabad ke aspatalon mein daakhil hain. Mazeed bar-aan jamshoro mein 102, tando ala yaar mein 103, dadu mein 91 aur matiari mein 4 cases report hue.

Is ke ilawa Badeen mein 137 aur tando Mohammad Khan mein 106 cases report hue jabkay zila sajawal mein 85 mareez zair-e-ilaaj hain.

Mutaliqa khabron mein, selaab se mutasirah Khyber Pakhtunkhwa (KP) mein aik hi din mein lakki murawwat mein maleria ke 198 cases, malakand mein 113, deera ismael (DI) Khan mein 68, Tank mein 58, lower der mein 37, charsadah mein 28, Naushera mein 27, mardan mein 5, swat aur upper kohistan mein 4, 4 aur Peshawar , upper Chitral aur lower Chitral mein aik aik case hai.

Related: SINDH GOVT: EVERY FAMILY IN FLOODSTRIKEN AREAS TO GET ONE-MONTH RATION

KP hukoomat ke aik ahelkaar ne bataya ke “Haiza aur ishaal ke baad maleria aur dengue sab se ziyada phelnay wali bemariyan hain.”

RELATED ARTICLES

LEAVE A REPLY

Please enter your comment!
Please enter your name here

Most Popular

Crypto

Business

Technology