HomeHot NewsBabar Azam Smashes Hashim Amla's Record

Babar Azam Smashes Hashim Amla’s Record

Pakistan ke all format ke captain Babar Azam ne sunday ko Hazelaarweg Stadium mein Netherland ke khilaaf Pakistan ke teesray one day ke douran South Africa ke Batsman Hashim Amla ka aik aur record toar diya.

Babar Azam ne Netherland ke khilaaf sansani khaiz karkardagi ke baad apne career ki 90 one day inning ke baad sab se ziyada runs bananay walay Players ki fehrist mein Amla ko peechay chore diya.

Babar Babar Azam, jis ne 91 runs bananay ke baad one day mein 4,664 runs bananay ka karnaama injaam diya, ab woh Hashim Amla se 108 runs ziyada hain, jinhon ne 90 ining mein 4,556 runs banaye thay.

Related: In the Asia Cup, Hasnain will take Shaheen’s spot

Is se qabal Babar ne June 2022 mein west indies ke khilaaf Multan mein Pakistan ki series ke douran Amla ka 86 one day inning mein sab se ziyada runs ka record toar kar naya record qaim kya tha. Unhon ne green shirts ke liye 86 inning mein 4,441 runs banaye, sabiq South africi captain ko peechay chore diya, is se qabal 86 ining mein 4434 runs bananay ka record un ke paas tha.

Yahan yeh baat qabil zikar hai ke Babar Azam ki qayadat mein Pakistan series ke pehlay do match jeet kar series pehlay hi jeet chuka hai.

RELATED ARTICLES

LEAVE A REPLY

Please enter your comment!
Please enter your name here

Most Popular

Crypto

Business

Technology