HomeTop StoriesFloods disconnect Balochistan from Pakistan

Floods disconnect Balochistan from Pakistan

Floods disconnect Balochistan from Pakistan, Moon soon ke aik naye taaqatwar nizaam ne Balochistan ko mulk ke baqi hisson se rabita munqita kar diya hai, jis se selabi railay aur tootay hue pal aur shadeed baarisho ne soobay ki sarkain beh tabah kar di hein.

Chaman mein guzashta 3 roz se waqfay waqfay se barish horahee hai jis ke baais Spina Tiza and Ghojai ka gaon ka bairooni duniya se rabita munqita hogaya hai.

Sarkain tabah karne aur shehar mein zameeni rabita munqita karne ke ilawa tofani naalon mein tughyani ki wajah se tabah kun baarisho ne internet aur mobile net work ki bandish paida kar di ha.

Pakistan ke mehakma mosmiyat (PMD) ke mutabiq, moon soon ka aik mazboot nizaam janoobi wasti aur maghribi Balochistan ki taraf barh raha hai, jis ne tofani barish aur taiz hawaon ki warning jari ki hai.

Provincial Disaster managment authority ( PDMA ) ke mutabiq guzashta 24 ghanton mein barish ne mazeed 4 bachon ki jaan li hai.

Floods disconnect Balochistan from pakistan, Muqami hakkaam ke mutabiq, kahan gaon ke sath zameeni rabita guzashta 18 dinon se munqita hai.

Dareaye bolan mein tughyani ke baais jumaraat ko zila bolan mein 12 inch ki gas pipe line beh gayi jis se Balochistan ke baaz ilaqon ko gas ki farahmi moattal hogayi.

SSGC ke tarjuman Salman Siddiqui ke mutabiq,” musalsal barish aur pahari tufaan mutabadil gas pipe line ko baha kar le gaye hain, jis ki wajah se queta, Pasheen, mastung aur qalaat samait ilaqon mein gas ki farahmi moattal ho gayi hai.”

19 august 2022 ko selaab ne 24 inch ki pipe line ko nuqsaan pohanchaya jo Bibi nani ke qareeb aik nadi ke neechay se guzarti hai. Is ke jawab mein, SSGS ne 12 inch mutabadil pipe line ka istemaal karte hue mutasirah azlaa mein gas service bahaal ki, lekin usay bhi selaab se nuqsaan pouncha.

Musalsal barish aur selaab ki wajah se is waqeye ke baad SSGS ki fori murammat ki koshisho ke bawajood tabah shuda gas pipe line ki murammat nahi ho saki.

Gas utility ke tarjuman ne kaha,” company apne sarfeen ko gas ki farahmi ki muatali ki wajah se honay wali kisi bhi takleef ke liye moazrat khuwa hai,” aur unhon ne logon ko gas ke mutabadil zaraye qaim karne ka mahswara diya.

Zila naseer abad ke ilaqay Manjhushoori ke mukhtalif dehaat mein kashtiyon ke zariye phansay hue 180 ke qareeb afraad ko bacha liya gaya hai aur mazeed logon ko bacha kar mehfooz maqamat par pohanchaya ja raha hai.

Is ke ilawa rashan ki taqseem ka amal bhi jari tha. Ibtidayi marhalay mein khawateen, bachon aur buzurag shehrion ko nikala ja raha hai. Zilai intizamia doosron ko fori tor par mehfooz maqamat par muntaqil karne ke liye kaam kar rahi hai.

Related: EU to Provide €350,000 in Relief to Flood Victims

FC colonel Ahmed Khan aur un ke poooray group ki kavshin qabil sataish hain. Un khayalat ka izhaar deputy commissionaire nsiraabad Mohammad Hussain ne Manjhushoori mein rescue muhim ke douran guftagu karte hue kya.

Is mauqa par tehseel intizamia ke numainday aur FC 72 wing commander colonel Ahmed Khan bhi mojood thay .

Deputy commissionaire Mohammad Hussain ke mutabiq barish ke baais selaab zadgaan ko relief faraham karne mein zilai intizamia ko mushkilaat ka saamna tha taham un ke hauslay buland rahay aur woh challenges ke bawajood isi jazbay se awam ki khidmat karte rahay. Unhon ne daawa kya ke do kashtiyan bachao ki koshisho mein sargaram amal hain aur PDMA aur FC teamon ke sath sath zilai intizamia is waqt phansay hue logon ko nikaal rahi hai.

Related: US expresses Concern for flood victims in Pakistan

DC ne bataya ke selaab mutasireen ko tent rashan ki farahmi ka amal bhi jari hai aur shadeed baarisho ke nateejay mein logon ko mushkilaat ka saamna karne ke baais mazeed khaimay aur rashan mngwaye ja rahay hain. Samaan ki farahmi shuru ki jaye jabkay assistant commissionaire Chithar Khadim Hussain Khosa aur un ka deegar amlah mutasireen mein tent aur rashan ki taqseem ke hawalay se surway kar raha hai jinhein ta haal tent rashan nahi mila.

RELATED ARTICLES

LEAVE A REPLY

Please enter your comment!
Please enter your name here

Most Popular

Crypto

Business

Technology